لماذا يعتبر الاجتماع السعودي الإسرائيلي صفقة كبيرة
السلام
عليكم ، أهلا وسهلا بحضراتكم في حلقة جديدة من قناة الوعي العربي ، هنتكلم فيها عن
أهمية الإجتماع السعودي الإسرائيلي ، وياترا ليه هذا الإجتماع مهم جدا ويعتبر صفقة
كبيرة ان لم تكن الاكبر خلال 50 سنة فاتت بين دولة عربية واسرائيل .
بسم
الله الرحمن الرحيم ، حصل زخم كبير جدا اليومين اللي فاتو خاصة بداية
من مساء الأحد الماضي الموافق 22 نوفمبر ، بخصوص اللقاء اللي تم سرا بين رئيس
الوزراء الإسرائيلي بنيامين نتنياهو وولي العهد السعودي الأمير محمد بن سلمان ووزير
الخارجية الامريكية مايك بومبيو، لحد
اللحظه اللي بتكلم معاك فيها دلوقتي جميع المصادر السعودية نفت إن الإجتماع دا حصل
أصلا ، لكن بتحليل عقلاني ومنطقي اقدر اتصور ان فعلا الاجتماع دا حصل ياترا انا
بقول كده ليه ؟ ببساطه لان حاليا الاهداف السعودية الاسرائيلية متسقه تماما بخصوص
ملف ايران خاصة بعد وصول جو بايدن للحكم واختياره لفريق معروف عنه التقارب من
ايران وبالتالي هيكون من الطبيعي المسئولين السعوديين والاسرائيليين يتحدثوا حول
تكوين تحالف فعلي قوي يكون مناهض لإيران وسياسات جو بايدن القادمة في الشرق الأوسط
.
طبعا كلنا عارفين ان
ايران بتمول
الجماعات الإرهابية زي حزب الله ، وجماعة الحوثي الارهابية في اليمن والهدف من كده
هو الضغط العسكري على المملكة العربية السعودية وطبعا إسرائيل. دا لوحده كافي ان
مسئولين الدولتين يقعدوا مع بعض لتنسيق الرؤي ما بينهم .
علي
صعيد آخر أيضا كلنا عارفين ان ايران للاسف بسطت سيطرتها الشبه كامله علي العراق ودا
ايضا يشكل تهديد كامل للسعوديين خاصة وأن العراق لها حدود واسعة ومشتركة مع المملكة
العربية السعودية وايضا الكويت ، وبالتالي لو تمركزت القوات المدعومة من إيران في المناطق الشيعية
في جنوب العراق ، هيقدروا بسهولة يشنوا ضربات عسكرية في أي وقت ، ومعلومة ع الماشي
كده المنطقة القريبه من الحدود المشتركه مع العراق داخل المملكة العربية السعودية
اسمها المنطقة الشرقية في المملكة العربية السعودية ودي منطقة غنية جدا جدا بالكثير
من ثروة المملكة النفطية ، وبالتالي يهم أمن
المملكة العربية السعودية ودول الخليج بشكل عام أن تبقى القوات الإيرانية بعيدة
قدر الإمكان.
طيب في سؤال مهم بيطرح نفسه هو أصلا ايران تقدر تعمل ايه ؟؟
الاجابه
علي السؤال تتوقف عند السيناريو المتوقع اللي هتنفذه ادارة بايدن وهو التوصل
لاتفاق نووي مع ايران ولو دا حصل ايران هتقدر تشم نفسها بعد رفع العقوبات عنها
وبالتالي هتقدر ترجع مرة تانيه تطور تكنولوجيا الصواريخ الباليستية ودا في حد ذاته
تهديد مباشر للامن القومي لإسرائيل والسعودية وعشان اكون اكتر دقه علي العرب كلهم
مش السعودية بس .
طيب احنا
كده فهمنا ان الخطر الايراني مشترك ما بينا كعرب مع اسرائيل
وبالتالي
تفتكروا الاجتماع اللي حصل دا فايدته ايه ؟
فايدته من وجهة نظري ودا تحليل مش
معلومة ... بالنسبة لإسرائيل ، التحالف
مع السعودية والامارات وغيرها من دول الخليج خاصة مع موجة التطبيع الاخيرة هيوفر
تحالف قوي و قوة عسكرية يمكن نشرها نيابة عن اسرائيل في حالة وجود تهديد متبادل
ليه ؟. عشان زي ما قولت في بداية الفيديو في حدود مشتركه ما بين المملكة العربية
السعودية وايران وبالتالي من الممكن شن غارات عسكرية سريعه سواء معلنة او سرية
وكمان هيسهل تنفيذ المهمات الاستخباراتيه وجمع المعلومات .
طيب دا بالنسبة لاسرائيل
بالنسبة للعرب ، وجود تحالف مع اسرائيل
اللي كلنا عارفين انهم مدعومين بشكل مباشر من امريكا واللوبي اليهودي في اوروبا هيضمن
توافر قوة مسلحة نوويًة وراءهم في حال انتهاء وحصول إيران على سلاح نووي او
انتهائها من تكنولوجيا الصواريخ الباليستيه في أي وقت ، ودا هيأمن تواصل مباشر مع
وكالات الاستخبارات الإسرائيلية واللي بدورها بتنسق مع اجهزة الاستخبارات العالمية
ودا هيشكل ضغط كبير علي ايران وبالتالي السيطرة عليها باقل خسائر ممكنة .
دا يعلمنا ان في السياسة كل شي متاح وان المصلحة والندية والمواءمات
السياسيه وتداعيات الأمن القومي هي اساس العلاقات بين الدول
خلونا في النهاية نتفق ان في فرق كبير جدا ما بين تطبيع الحكومات مع
اسرائيل وتطبيع الشعوب لذلك انا اقدر افهم واستوعب ليه المملكة العربية السعودية
قعدت مع اسرائيل لكن مقدرش افهم ولا استوعب ليه واحد زي محمد رمضان يتصور مع
اسرائيلين
والدليل علي كده التطبيع المصري الاسرائيلي اللي بقاله اكتر من 40 سنه
لم يتطرق ابدا للتطبيع الشعبي علي الاطلاق
وفي النهاية شكرا جزيلا لحضراتكم علي حسن الإستماع ومنتظر آرائكم
وتعليقاتكم علي الفيديو وانتظرونا في الحلقات القادمة
والسلام عليكم ورحمة الله وبركاته
للإِشتراك في قناة الوعي العربي علي اليوتيوب
( إضغـط هنــا )
 |
| صورة الغلاف |
